7aba saQafa :D

[clash ultras]

رباعيات للمبدع عبد
الرحيم منصور اسمها
)))الحكمة(((
و على فكرة هو اللى
كتب لمنير الأغنية
العبقرية المشهورة
__حدوتة مصرية__
1- على كل لون الحياه
على كل لون يا بشر
بشر بتخلق حياه
وبشر بتقتل بشر
Ө Ө Ө
2- على كل لون الدموع
دموع فرح وأنين
دموع فى غربال سبوع
ودموع في قلب حزين
Ө Ө Ө
3- على كل لون العرق
على كل لون السنين
عرق يبيض ورق
وعرق يندي الجبين
Ө Ө Ө
4- على كل لون يا
خلق
على كل لون تطلعوا
سودتوا لون الحق
وكرهتوا كون ترجعوا
Ө Ө Ө
5- جاهل يا طامع فى
رمال
عمرك كضلك يفوت
فوق ذكرى حلوه حلال
بدل الضلال والسكوت
Ө Ө Ө
6- ياللي غويت
الليالي
خايف عليك من حبالها
ليبقى حالك ده حالي
وتدوق حرامها وحلالها
Ө Ө Ө
7- دايماً قليل
البخت
بلاقي في الكرشه
عضمه
لفيت كتير واتملخت
ومشيت بأحزاني هدمه
Ө Ө Ө
8- دربك بسيط يا خال
وعيونه زي المرايه
إن طال وأصبح محال
يبقى بداية غنايا
Ө Ө Ө
9- البحر يا مراكبي
مايل
ولا شراعك خفيف
عمال فى الموج تحايل
والريح فى ضهرك
مخيف
Ө Ө Ө
10- البر قدام عينيك
لو لحظه رايقه
تشوفه
في الضيقه ربي
شريك
تلقى كفوفك كفوفه
Ө Ө Ө
11- تبت حبالك وبحر
ويا الرفاقه المليحه
في الشده وياك
تشمر
وتعدي لايام مريحه
Ө Ө Ө
12- أوعى تريح وترسى
وتقول ده آخر المطاف
الدنيا مالهاش مرسى
والحمل فوق الكتاف
Ө Ө Ө
13- أوعى يا خيال
تميل
عمر الخيول ما بترحم
لا حيرمي سرجه
الخيل
ولا حتى على صاحبه
يندم
Ө Ө Ө
14- يا صاحبي عافر إن
لم يحظى حلمك
بمرسى
ده العمر مالوش سن
والدنيا قدامنا لسه
Ө Ө Ө
15- جوه النقوش
القديمه
بهتانة حكمة زمان
شبه الغريم والغريمه
لونها ولون الحيطان
Ө Ө Ө
16- الحكمه من غير
شفايف
قول يا حكيم
القبيله
بترتعش ليه وخايف
مالناش غيرك وسيله
Ө Ө Ө
17- سمعت حكمه وقلت
يا هلترى مين كاتبها
قالوا الألم والكبت
والصمت هوه صاحبها
Ө Ө Ө
18- الليل ده عالم
وعالم
عالم وساتراه بيوت
عالم يعسكربعالم
وعالم ماهوش لاقي
قوت
Ө Ө Ө
19- هات من جرابك
وقوللي
يا اللي إنت عارف
البعيد
وأديني سدرك يا خلي
سدرك كأنه العيد
Ө Ө Ө
20- عالم وبودان
كبيره
سامعه وماهيش سامعه
الضحكه بتساوي
حيره
والفرحه بتساوي دمعه
Ө Ө Ө
21- سوا في الطريق
السهل
أو في طريق الصعب
جاي بالورود والفل
بكره لجموع الشعب
Ө Ө Ө
22- أنا كلمه منها
الحقيقه
سابتني ليه
الخلايق
وحدي ومن غير
شقيقه
عريانه بين
الشقايق
Ө Ө Ө
23- سموني باسم
الحقايق
سموني باسم التراب
وارموني وسط الخلايق
أقتل نغم كداب
Ө Ө Ө
24- أيام علينا تعدي
وتمر مثل السحاب
وإحنا بناخد وندي
ونبيع لبعض العذاب
Ө Ө Ө
25- عايش على دى
الحال
ألف وأتعب لحالي
وكل ما أسأل سؤال
يرجع لي تانى
سؤالي
Ө Ө Ө
26- أنا شلت حمل
صديقي
وشلت همه وجروحه
ونا لوحدي في ضيقي
وهوه عايش لروحه
Ө Ө Ө
27- مازرعتش الورد
عمري
وباشم ريحة عبيره
أه ع اللي يزرع ما
يدري
ويجني لكن لغيره
Ө Ө Ө
28- سدري بينهج كرب
وعيوني عواميد نور
تهل على درب
دعوه وورد وسرور
Ө Ө Ө
29- قليل كلام
الحزين
لكنه في القلب طامي
لا له لسان أو إيدين
لكنه له طلق حامي
Ө Ө Ө
30- والله بسيط يا
خال
كما دمعتي ف كمي
وشديد كأني رجال
ولاهمني همي
Ө Ө Ө
31- ياما صحاب وصحاب
ليا ونا فرادي
لما باقع في العذاب
يرخوا العيون والأيادي
Ө Ө Ө
32- يابو العيال
النحيفه
والقلب أخضر مراعي
عيني زيك كفيفه
لكني شايف شراعي
Ө Ө Ө
33- دعوة أبويا وأمي
إني أعيش قلقان
لا إيد تحايل فى
كمي
والباب قصادي
بيبان
Ө Ө Ө
34- في عروقي زعق
السكوت
زعق في قلبك يا
خلي
فتح بيبان البيوت
لقيت سكوتها
بيغلي
Ө Ө Ө
35- البذره مره يا خال
طرحت لنا غيط مرار
حرام ده ولا حلال
تجني المرار ع الديار
Ө Ө Ө
36- باقي وطامي يا
نيل
دعا في العيون
الغريبه
تضحك وتصرخ تميل
فرح وقسوه وطيبه
Ө Ө Ө
37- أنا سدري غيط حنه
وقلبي ده كروان
بحلم وباتمنى
يكون ملاذ إنسان
Ө Ө Ө
38- إفتح يا برج
الحمام
سدرك وشم الهوى
خلي هديل الكلام
فيه الشفا والدوا
Ө Ө Ө
39- كرهت أكون في
البيت
وأطل م الشباك
لا أشم نسمة غيط
ولا أرتوي بالهلاك
Ө Ө Ө
40- الصبح طالع
شباب
طالع يغربل عذابه
والرزق زي الرباب
بيدق بايدينه بابه
Ө Ө Ө
41- الزرع أهوه طالع
والشمس راحله لبعيد
والفل أهو والع
في السدر زي
النشيد
Ө Ө Ө
42- قال الشجر للريح
يا ريح يا قتاله
فروعي تتعب تصيح
للأرض مياله
Ө Ө Ө
43- أدى الحياه بلا
وقفه
عايزه القلوب
البصيرة
ملايين تسير دفه
خطوه في قلب
السيره
Ө Ө Ө
44- اللي يخطي كتير
الوقت يبقى بتاعه
لو خاض ف بحر كبير
يملك سفاينه
وشراعه
Ө Ө Ө
45- لما يهل الصباح
تفرك عيون الطريق
لحظه تقابلنا جراح
ولحظه تاخدنا صديق
Ө Ө Ө
46- عارفك يا بكره
وشايفك
جاي من عيون الناي
أخضر وحالفه
شفايفك
تلمس وليدي الجاي
Ө Ө Ө
47- الدنيا والله براح
قليل عليه أكون
طيره طليقة الجناح
وأخلق لنفسي كون
Ө Ө Ө
48- جوايا زحمه وبيوت
وصوت غريب الندا
با أصرخ في عز
السكوت
وأتلاشى ويا المدى
Ө Ө Ө
49- كام دنيا جوايا
راحت
باسألك يا طريق
ضي الحقيقه اللي
لاحت
حقيقي ولا بريق
Ө Ө Ө
50- يا طيري إرجع
لبيتك
الضلمه براه جدار
إفرد جناحك في غيطك
على قد زاد الديار
Ө Ө Ө
51- بشد القلوع ..
شديت
البحر جزر ومد
بحرت لما رأيت
الشوف ملهوش حد
Ө Ө Ө
52- ذكرى في حياتنا
تدوم
لحظه تطول أو تقصر
بين أمس ويا اليوم
تقل الحمول بيأثر
Ө Ө Ө
53- دي لحظة الذكرى
ياما
نسعد بها أو نشقى
لو حتى كانت غمامه
نزول وهي بتبقى
Ө Ө Ө
54- يا خطوه زمنك
صعب
ياترجعي .. ياتسيري
بتحمليني الرعب ..
راح تحملي مين
غيري ؟!
Ө Ө Ө
55- انا ماشي وياكي
لا ..
إنتي اللي ماشيه
بيه
انا جوه قلبي خلا ..
في الزحمه بتشدي
فيه
Ө Ө Ө
56- دق الشتا ع
البيبان
هجت عيون المحاجر
عريان لكين دفيان ..
شقيان بحلمي
المهاجر
Ө Ө Ө
57- الصمت هجر
البيوت
تحت الغطا يا ليل
جوه عروق السكوت ..
برد الشتا بيسيل
Ө Ө Ө
58- يا مدينه من غير
عيون ..
خدي عيوني شوف
برد الشتا مجنون
على القلوب بيلوف
Ө Ө Ө
59- البحر هجر
المراكب ..
ونا ح أروح لك كيف
غيم الشتا مواكب
وف قلبي حر الصيف
Ө Ө Ө
60- في الليل بتطرح
نجوم
جنة سمايا طرح
ملهاش ايدين في
الغيوم
ملناش ايدين في
الفرح
Ө Ө Ө
61- مشينا ع السكه
نحلف
إني ما نخلف عهد
لما الشدايد بتصدف
ما حد يسند حد
Ө Ө Ө
62- إخترت أكون
نفسي
مطرح ما أروح بتروح
بين يومي بين
أمسي
نفس الحقيقه روح
Ө Ө Ө
63- في إيديها شنطة
ولابسه
المريله والكوله
شمس الطفوله
دايسه
ليل أمنا الغوله
Ө Ө Ө
64- بحلم في يوم
أطول
أسكن في بيت قديم
وأدبل وأدوب وأزول
وأنزف في جرح أليم
Ө Ө Ө
65- بحلم أكون موجه
ع الشط نتعس ساعات
وأهرب من الهوجه
من خنقة العمارات
Ө Ө Ө
66- بحلم بك إنت يا
كون
تصير في لحظه قلب
سرك أكيد مكنون
وبتعرف إمتى تحب
Ө Ө Ө
67- بحلم وفي الحلم
رحله
بحلم في عالم غريب
بحلم ومش لاقي راحه
من القريب .. والغريب

[clash ultras]

ya gama3a el 7agat di walahy gamda gdn l ely hay2ra w yfham...yakfi bs en 3bd el re7im mansour kan wa7d mn l 3amaleqa ely eshtaghalo ma3 mounir w katblo 7agat t2ila awi menha 7adouta masriya w el leila ya samra...enjOy it !!

[Micho Ultra]

yaslam slem 3ala el 3alm w el saqafa :D ;)

[K.Dodzy_ua07]

kefaya 2no be2alef lel king mounier

[ahmed ua]

كلام جامد جدا

[clash ultras]

thx ya regala...heya ktira ah bs fiha kalam gamd awi

[AtA TaReK]

gamda
bs msh el liela ya samra dih beta3t a7mad monib asln? sa7?

[clash ultras]

heya al7an a7med mounib w kalemat 3bd l re7im mansour w tawzi3 fr2et ye7ia 5alil :D

[AtA TaReK]

la2 ana batklm 3aly 3'anha asln
ana elly a3rfo eno a7mad monib w 3ndy el o3'nya
bs msh wasek meen ely 3'anha el awl monib wala moneer:D 2olt as2al el 5ebra fil mawdoo3 dh;)

[clash ultras]

mounib el awel...w kaman b lyrics gheer lyrics oghniyet mounir

[elnino_torres]

Fe3lan Ya abny Lazem Ykon esmak Khaled Mounir :D