بيان هام من اولتراس اهلاوي ردا علي الافترائات السابقة من الصحافة والاعلام

[m00d]

حقيقة ذهلت, و ذهل مثلى كل شباب ألتراس أهلاوى من كم الهجوم و الأنتقادات الموجهة لنا و لمنهاجنا و طريقة دعمنا للأهلى , رغم أن هذا كان متوقعا و دار فى مخيلاتنا عندما بدأنا عملنا و تعاهدنا على ألا يثبط نقد أو تجريح من عزيمتنا .. و لكن ما أثر فينا فعلا كان كم الأفتراءات التى خرجت بعد تدريب الفريق يوم الأربعاء .. فكلنا رأينا بعض المواقع الألكترونية و الأعلاميين بهاجمون طريقة تشجيعنا هذا اليوم, بل و تطور الأمر الى حد نعتنا بالسفلة و أتهامنا بسب لاعبى النادى الأهلى و الأعتداء على مشجعين أخرين, و لا أعلم هل صاحب هذه الأدعاءات معدوم الضمير الى هذه الدرجة المزرية ؟..و أذا لم يكن كذلك فلما لم يذكر أيضا أن ألتراس أهلاوى كانت أخر من غادر ستاد القاهرة يوم الهزيمة بعدما شجعوا لاعبيهم حتى تسلموا الميداليات الفضية .. لماذا لم ينقل صورة الشباب الأهلاوى المخلص و هو يهتف لناديه بصوت مختنف من الدموع و البكاء ؟.. أتعرفون لماذا ؟ ..لأن هذا النوع من الشباب لا يمكن أن أن يصدق أى عاقل أنه يهاجم أبدا فريقه ..أما بخصوص ما كان فى التدريب فلم يكن ألا تعبير عما كان فى صدورنا و صدر كل أهلاوى ففى النصف الأول من التمرين شجعنا اللاعبين و الجهاز و كاننا فى مباراة هامة من قوة التشجيع ثم تحول الأمر الى هجوم على من شجعوا الفريق التونسى و رفعوا علمه على أرضنا , و هجوم على حكم مرتشى غالط ضميره ليحرمنا من كأس مستحقة .. أعتقد أن ما قلناه لم بكن مختلفا غما كان ليقوله أى أهلاوى .. و أعتقد أن هذا أيضا يعطى حافزا للاعبين كى يقاتلوا كى يثأروا من هؤلاء الشامتين و يخرسونهم مرة أخرى و الحصول على الدورى.. أذن لماذا الهجوم ؟


... لماذا لم يذكر أحد أن هؤلاء الشباب أنجزوا فى خلال فترة زمنية قصيرة ما لم يفعله أحد من قبل فى مصر فى مدرجاها من دخلات هائلة ذات أفكار فريدة و متنوعة , وصل عددها الى 6 دخلات فى فترة 6 شهور ( دخلة ال 6-1 , دخلة عبد الوهاب, دخلة الشرائط (1907-2007) رغم عدم نجاحها,We Are Egypt, دخلة الشماريخ بأسماعيلية , و أخيرا ألنهائى الأفريقى ).. كل هذا تم بمجهود شباب الألتراس و تم تمويله بمجهوداتهم الذاتية رغم أن هذه العمال تكلفت ألاف الجنيهات, مع العلم أن كلنا أما طالب جامعى فى كلية مرموقة أو يشغل وظيفة مما يجعل من الصعب أيجاد الوقت لهذا كله, لكنه حب الفريق الذى يجعل شابا يسهر الليل فى دخلة لفريقه حتى يذهب لعمله صباحا ثم يعود لأكمال الدخلة بقية اليوم .. و أقسم بالله أن هذا كان حال معظمنا .. و طبعا فى و سط ذلك كان رجال الألنراس وراء الفريق فى كل مبارياته سواء الداخلية أو الخارجية .. حتى وصل عدد ألتراس أهلاوى فى مباراة النجم بسوسة ألى 30 عضوا على نفقاتهم الخاصة و ليس على حساب رعاة و لم نعلن أبدا أعتذارنا عن مباريات الأهلى المحلية مثلما فعل خرون ممن يهاجموننا ..و كنا وراء فرق الأهلى المختلفة سواء ناشئين أو كرة يد و سلة و طائرة ..تلك الألعاب التى لم يعترف بها الأخرون ..و لكننا كنا هناك من منطلق دعمنا المطلق للأهلى.. مع العلم أننا لم نسع أبدا للأتصال بأى وسيلة أعلام لكى يكتب هذا عنا أو يستضيفنا ذاك فى برنامجه ..و لم نسع أبدا للوصول ألى أى مسئولين بالنادى و تكوين علاقات معهم .. بل كان عملنا خالصا للأهلى و جماهيره.


حقيقة لا يمكن تفسير أن يغفل أى أنسان كل هذه الأنجازات ليصطنع الأتهامات و الأفتراءات علينا الأ لسبب واحد و هو الغيرة مما وصل اليه الألتراس من نجاح كونهم الأن أقوى مجموعة ألترا أو مجموعة تشجيعية فى مصر .. و ألا لماذا لم ينتقدوا جماهير الفرق الأخرى و هى تكيل السباب للأهلى و جماهيره فى كل مبارة أو تجمع لهم ... بل و يخرج علينا كى يعطيهم ألقاب مثل الجماهير المثالية و الرائعة ... حقا أنه قمة النفاق و الضحك على المشاهدين .



.. و لكن عزاؤنا هو أن جماهير الأهلى أصبحت على درجة عالية من الوعى تمكنها من معرفى من هو أهلاوى فعلا و مستعد لبذل كل غالى و نفيث من أجل رفعة ناديه, و من يستغل أسم الأهلى للوصول الى المناصب و التلميع الأعلامى و العلاقات ... و هذه الجماهير نعدهم بأننا سنظل على فكرنا و منهاجنا الى ما شاء الله سواء فى التشجيع و الدعم الغير محدود للنادى الأهلى, أو جعل مدرجات جماهير الأهلى لوحة فنية رائعة و مشرفة و جعل كل مباراة متعة للحاضرين بالأغانى و التشجيع مهما حقد الحاقدون و حاولوا تفتيت عضدنا

[kimo ultras]

على فكره كل اللى اتكلم عارف كل كلمه انت قولتها بس هما
علشان المصالح دايما يقولوا اى حاجه على الالتراس بجد ربنا يخلى المصالح
اللى جمعت الناس دى كده وربنا يحمينا للاهلى وانا عن نفسى مستعد لاى حاجه مهما كانت
لو وصلت للاعتقال زى ما الناس بتقول انا مستعد وده حال كل عضو فى الالتراس

[Bo D ahlawy100%]

البيان اكتر من رائع بس ياريت نوصله للناس من خلال:

مواقع الرياضه زيyallakora filgoal superkoora و حتى مواقع النادي وكمان برامج الرياضه في مختلف القنوات بحيث الناس تعرف حقيقة نشاط التراس لأن بجد في حمله غريبة ضدنا في كل مكان و لازم نواجها عشان مش نتفاجئ بعد كده بمنعنا من دخول الاستاد او اعتبارنا زي الهوليجانز !

و بجد كمان مره البيان ممتاز ولازم يوصل للناس

[Old School]

خلاص دة بقى قدرنا
الهجوم مش كل شخص فى الوسط الرياضى
لكن احنا مش بنتكلم لكن اعمالنا هى اللى بتتكلم لان ببساطة كدة احنا جمهور استاد مش جمهور نت وتليفزيون
يعنى كلامنا هو شغلنا اللى بيظهر فى المدرج .

[Bo D ahlawy100%]

انا فاهم قصدك يا micho بس الموضوع مش موضوع جمهور نت و تلفزيون الموضوع اننا نوضح الخطأ و نعرف الناس حقيقتنا و بس يعني مش قصدي نطلع و نقول احنا عملنا و احنا سوينا لأن كل شغب بيحصل يحطوا اسمنا فيه و ده مش صح

[Old School]

انا فاهم قصدك يا micho بس الموضوع مش موضوع جمهور نت و تلفزيون الموضوع اننا نوضح الخطأ و نعرف الناس حقيقتنا و بس يعني مش قصدي نطلع و نقول احنا عملنا و احنا سوينا لأن كل شغب بيحصل يحطوا اسمنا فيه و ده مش صح

لو حد يعرف يثبت علينا حاجة يثبتها
لان مهما قلت مافيش حد بيصدق

[Bo D ahlawy100%]

لو حد يعرف يثبت علينا حاجة يثبتها
لان مهما قلت مافيش حد بيصدق

انا فاهم قصدك بس نعمل اللي علينا عشان على الأقل مش نبقى قصرنا و اكيد مش كله هيصدقنا بس اكيد في ناس هتفهم و تصدق

[ahmedahlawy]

يا جماعة خلو اللي يتكلم يتكلم اهم حاجة ان انتوا مقتنعيين بالللي بتعملوه وشايفيين انه صح يبقي اللي شايف غير كده يخبط دماغة في اقرب حيطة

[mada_moner]

يا جماعة عادى خلوا اللى يكلم يكلم اهم حاجة احنا ماشين صح

[sims_zizimerda]

elmoshkela fe ely by7sl dah eno keda el2men btzeed 3adwto lena w dah hy2ser 3alina ba3den bas mosh moshkla kol ely fe nfso kelma y2olha we7na hnrod bsho3'lna mesh belklam

[gigatec]

فيه حاجة اسمها في القانون البينة على من ادعى
بمعنى اني لو ادعيت عليك بشيء يبقى انا اقدم الدليل اللي يأكد ادعائي عليك
يبقى اللي بيدعي علينا بشيء يجيبلنا الدليل واحنا بعد كدة نبقى نرد عليهم

[shbroo@ultras]

ولاء بنخاف

[ULTRAS]

مقال ممتاز

اتمنى ان ينشر فى المنتديات وخاصه منتديات النادى الاهلى وكووره

وياريت نحط اللينكات بتاعه المواضيع ديه هنا على المنتدى عشان نتابعها بنفسنا

[m00d]

merci ya 7agg uriy :D .. mayhiminash fl donya de kollha gher innak tb2a rady 3annina

[EMY]

thumps up mood

[m00d]

pretty flattering when this comes from an expert EMY .

[moka]

رغم ان ديه اول مشاركه ليه بس والله اللى خلانى ادخل واشترك الشغل الرائع الللى انتوا بتعملوه ياشباب وان شاء الله نلتقى فى مباراه بتروجت علشان نتعرف على بعض ويشرفنى انى اكون واحد منكم وسيبكوا من الانتقادات دائما اللى بيعمل كدا هم اللى مش عارفين يعملوا الشغل بتاعنا وربنا يوفقكم

[m00d]

ya reet nt2abil fe alex fe match el itti7ad ..Petrojet it2aggil ya basha

[Barca]

Good Job Dear MorsY

[T_e_M_o]

والله سيبك من كل العالم الفاشله ديه اللى مش عارفه تعمل حاجه


واللى غيران مننا يعمل زينا ده اللى اعرفه


والله الاولتراس اللى الوحيده اللى شغاله تشجع طول 90 دقيقه وممكن اكتر من كده بكتير

وانا شوفت ده بنفسى فى ماتش الكتاكيت الصفره فى بلادهم الاولتراس كنت مولعه الدنيا والله

والى الامام على طول

وانا بجد نفسى اكون معاكو لو ينفع وليا الشرف

وبرضه اللى غيران مننا يعمل زينا